ယခုလ ၁ ရက်နေ့တွင် ရှားတောမြို့နယ် ဒေါမူးမာကျေးရွာ အနီး၌ စစ်အစိုးရတပ် ခြေမြန်တပ်ရင်း (ခမရ) ၅၁၇ စစ်ကြောင်းနှင့် ကရင်နီတပ်မတော်တို့ တိုက်ခိုက်ခြင်းကြောင့် စစ်အစိုးရတပ်ဘက်မှ ကျဆုံးမှုများ ရှိခဲ့ရခြင်း ဖြစ်သည်ဟု ကရင်နီတပ်မတော်ဘက်က ဆိုသည်။
ပြီးခဲ့သည့် စက်တင်ဘာလအတွင်း ကရင်နီတပ်မတော်နှင့် စစ်အစိုးရတပ်တို့အကြား တိုက်ပွဲ ၆ ကြိမ် ဖြစ်ပွားခဲ့ကြောင်း သိရသည်။
စက်တင်ဘာလ ၁၅ ရက်နေ့က မော်ချီးဒေသတွင် ကရင်နီတပ်မတော်နှင့် စစ်အစိုးရတပ်တို့ ထိပ်တိုက်ရင်ဆိုင်တိုက်ပွဲ ဖြစ်ပွားခဲ့ပြီး စစ်အစိုးရတပ်ဘက်မှ သေဆုံးမှု ရှိခဲ့သည်ဟု ကိုင်တိုင်ပါဝင်တိုက်ခိုက်ခဲ့သော ကရင်နီတပ်မတော် တဦးက ပြောသည်။
“မော်ချီး၊ ဖာဆောင်းကားလမ်း ၉၄ မိုင်မှာ ဖြစ်တယ်။ အဲဒါ ကျနော်တို့ဘက်က ထူးထူးခြားခြားတော့ ဘာမှ မရဘူး။ MA-1 သေနတ်တစ်လက်တော့ ရတယ်။ ရန်သူဘက်က တပ်သား ၃ ယောက် သေတယ်။ ဒဏ်ရာရတာတော့ မရှိဘူး” ဟု သူက ပြောသည်။
ကရင်နီအမျိုးသားတိုးတက်ရေးပါတီ (ကေအဲန်ပီပီ)နှင့် ကရင်နီတပ်မတော်တို့သည် မြန်မာစစ်အစိုးရ ကျင်းပမည့် နိုဝင်ဘာလ ၇ ရက်နေ့ ရွေးကောက်ပွဲနှင့် ပတ်သက်၍ ထွက်ပေါ်လာမည့် ရလဒ်များကို မလက်ခံနိုင်သည့်အတွက် စစ်ရေးအရ နည်းလမ်း အသွယ်သွယ်ဖြင့် ဆန့်ကျင်တိုက်ခိုက်သွားမည်ဟု ကေအဲန်ပီပီ ဗဟိုကော်မတီဝင် ခူဖဲဘူးက ပြောသည်။
၎င်းက “အခြေအနေက ၂၀၁၀ တိုက်ပွဲနဲ့ ဆိုင်တယ်၊ မဆိုင်ဘူးဆိုတာ အဲလိုမဟုတ်ဘူး။ ကျနော်တို့ ကေအဲန်ပီပီ စစ်တပ်တွေကပေါ့လေ။ သူတို့ လုပ်စရာ ရှိတာ လုပ်နေတယ်ဆိုတော့ ဆိုင်လည်း ကိုယ့်ကိုယ်လုပ်နေမှာပဲ မဆိုင်ရင်လည်း တိုက်ပွဲက ဖြစ်နေမှာပဲ။ ဆက်စပ်တယ် ပြောလို့လည်း ရတယ်။ ဘာဖြစ်လို့လည်းဆိုတော့ ကျနော်တို့က ကန့်ကွက်ထားတာကိုး” ဟု ပြောဆိုသွားသည်။
ကရင်နီပြည်နယ်ရှိ ကျေးရွာဒေသများတွင် ရွေးကောက်ပွဲအတွက် စစ်အစိုးရ၏ ကျောထောက်နောက်ခံပါတီ ဖြစ်သည့် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ (ကြံ့ဖွံ့)မှ မဲဆွယ်စည်းရုံးမှုများ ပြုလုပ်ပါက ကရင်နီတပ်မတော် အနေဖြင့် စစ်ရေးအရ ဆန့်ကျင်တိုက်ခိုက်မည် ဆိုသည့် သတင်းများ ရွာသူ၊သားများအကြား ပြန့်နှံ့နေသည်ဟု သိရသည်။
1 မှတ်ချက်
- Comment Link
စနေနေ့, 09 အောက်တိုဘာလ 2010 19:42 posted by ကိုပြည်သူ
အရမ်း ကြားချင်တဲ့သတင်းမျိူးပါဗျာ...ကုန်ကုန်ပြောရင် မြန်မာပြည်ကြီးမှာစစ် သံကိုပြန်ကြားချင်တော့တယ်ဗျာ..ငြိမ်း ချမ်းရေးကို မနှစ်သက်လို့ တော့မဟုတ်ပါဘူး..စစ်အာဏာရှင်တွေကသာငြိမ်းချမ်ရေး မလိုလားသူတွေပါ။ တွေ့ ဆုံဆွေးနွေ မှူ မလုပ်တဲ့နအဖ ကလူထုကိုလျစ်လျုရှု နေတာကြာရောပေါ့...တိုင်းရင်းသားတွေညီညွတ် ကြပါတော့ကွာ..စစ်မှန်သောငြိမ်းချမ်ရေးဆိုတာ အာဏရှင်ကိုအပြီးသတ်တော်လှန်တိုက်ခိုက်ခြင်းတဲ့..အာဏာရှင်လုံးဝမရှိတော့ခြင်းပဲ...တို့ ပြည်သူတွေအတွက်နောက်ဆုံးမျော်လင့်ချက်ကတော့ မီးဟုန်းဟုမ်းတောက်လောင်စ်ေမဲ့ညီညွတ်သော အဆုံးသတ်တော်လှန်ရေးတစ်ခုပါ။ အဆိုးမြင်ခဲ့ရင်ခွင့်လွတ်ပါဗျာ ။လွတ်မြောက်စရာဒီတစ်ခုလေးကျန်တော့လို့ ပါ။
patrickjaaye@gmail.com
ကျေးဇူးတင်ပါတယ်။
No comments:
Post a Comment